今天治療日，早上十點到五點半。到了治療室發現找不到手機，回想一下全程交通都沒有用過電話，心想大概留了在家。
那時想，整天沒有電話有問題嗎？只希望預約了的人真的出現，新來的人識路，最大問題都是不能播reiki music。了解影響不大，就疊埋心水沒有電話地過一天。
到了第一位來時，她從未來過，是第一次。
她一進來，就說： 你老公說你電話係家，唔駛擔心。
我： 下？ 哦。。你打俾我，佢聽電話嗎？
她：冇呀，佢自己打黎。
我： 噢，大概他看到我的google calendar，找到你了。 哈，俾你見到我d蝦碌野tim...
（果刻已扮唔到平時第一次會扮下野的治療師形象）
如是我們開始能量治療，對方在寧靜環境放鬆躺下。不久，對方電話不停震。。
她：震咁耐，又咁早，可能有急事，我想接電話。
我：冇問題，我幫你拎。
當我搵到對方電話，一看，是我老公來電 。。。
我: 嗯，是我老公，我接一下。
我尷尬又冇氣地： 喂，我冇事，我唔擔心，我做緊healing....
： 要唔要送電話俾你。
我：做healing唔駛電話，係咁啦，byebye
。。。。
果刻好似，小朋友大左，出街想型下，有d image，呀媽卻打去搵你朋友，叫你著多件衫咁。
喂，對方我唔識，第一次黎，就俾佢經歷個治療師老公係咁打俾佢，搵佢老婆 擔心佢冇電話用的情景。
。。。。
我老公平時好醒，都型型地，咁衝動大概都是緊張我會緊張。我感覺自己是一個受竉的蝦寶。
謝謝愛錫我的人。
Comments