德國同學傳來的照片, 說要陪我過年。
自細因家人職業關係, 新年中秋做冬都是自己過。細個果陣我甚至以為大部分人都係咁，做節是在電視機先睇到既環節。
大個慢慢知道大部分人真係會過年，但早習慣了一個人，沒有將這當做一回事。
直到去德國讀書，到了聖誕大日子，宿舍的人走得七七八八，我一個人也沒有打算找留學的遺孤圍爐，真心覺得冇所謂。有日同學臨走前，簡單問我去邊，我話留在宿舍呀。
她聽後大驚，說聖誕一定要團年。她逼我收拾行李跟她回家。我便執左幾件衫，心諗坐9個鐘火車過年真係值咩。。
如是去到佢屋企，真係有聖誕樹，有禮物，有好多人，好多野食，行山睇馬行聖誕市集。
果次之後，我明白點解佢覺得節日冇人陪係一個issue.
話說回來，今早起身，依舊一條友，刷牙果陣，腦海閃起一句話： issue is not an issue until you think it is an issue.
果時係諗緊，好多是非和情緒，都是由覺得某東西是問題開始，之後產生執念一定要咁咁咁，事情唔如所想就找狂抑鬱。
如果本來無一物何處惹塵埃，那let go都不用了。
Comments